【又傳有咗?】42歲黎姿注射「超級排卵針」 成功追「慈姑椗」

分享 : Twitter Google LinkedIn

結婚Wedding焦點/新聞/消息/情報: 【又傳有咗?】42歲黎姿注射「超級排卵針」 成功追「慈姑椗」

(蘋果日報)現年42歲嘅黎姿(GiGi)自從下嫁富商馬廷強後,為馬家先後生咗三位千金,包括孖女家蔚及家鎂,以及去年十月初誕下細女Pegella,靚媽GiGi一直深居簡出,雖然已有三個囡囡,但原來GiGi希望為老公繼後香燈,生番個「慈姑椗」!

今日有報道指GiGi去年生細女前,已經同「生B聖手」名醫何永超商量追生仔一事,而GiGi產後亦調理身子,報道仲指GiGi接受注射超級排卵針,實行為生仔作好準備。

其實近年GiGi甚少公開出席活動,不過早前佢以《古惑仔》中嘅「細細粒」身份,到紅館捧鄭伊健、陳小春及林曉峰等古惑仔演唱會尾場演出,GiGi仲坐足全場,其間還企起身拍掌,睇得好投入。

另外,報道指GiGi日前湊對孖女同親友食晏,當日GiGi着平底鞋及鬆身衫,而且肚凸凸,全程表現得好小心,而離開食肆時,親友不忘仍然同GiGi雞啄唔斷,好似叮囑佢一啲嘢咁,而GiGi亦點頭示意。

講番呢位星級名醫何永超,佢係生殖醫學專科名醫,李嘉欣、陳慧琳都係佢客戶,兩位靚媽咪喺何醫生指導下,成功生咗男嬰。期待GiGi如願以償,快快報喜!